Titrat e fundit përshkrojnë telenovelën e këtij sesioni të merkatos. Pol Pogba është zyrtarisht një lojtar i Manchester United. Klubi anglez ka konfirmuar se francezi do të jetë të hënën në Manchester për të kryer vizitat mjekësore e më pas do të nënshkruaj kontratën me United. Në portalin zyrtar të klubit britanik qëndron i shkruar hashtagu “Pogbaback ” sëbashku me informacionin në lidhje me testet mjekësore të cilat do të kryhen në klinikën e Man United, në kompleksin Aon.
Ashtu si është përmendur shumë gjatë kësaj periudhë, Pol Pogba thyen cdo rekord transferimesh, duke u shndërruar në lojtarin më të shtrenjtë në historinë e futbollit. 110 milion euro do kalojnë në llogarinë e Juventusit, shifër kjo që bardhezinjtë nuk mund ta refuzonin, dhe që asnjëherë më parë nuk është shpenzuar për një lojtar. Francezi do të nënshkruajë një marrëveshje 5 vjecare me klubin anglez nga e cila pritet të përfitojë pa llogaritur bonuset e ndryshëm, rreth 15 milion euro në sezon. 23 vjecari është formuar si futbollist pikërisht në sistemin zinxhir të Manchester United për tu larguar drejt Juventusit 4 vite më pare me parametër 0, tashmë rikthehet në shtëpi i mbuluar me flori nga klubi që e prezantoi me skenat e futbollit europian
