Ministrja e Arsimit Besa Shahini i është përgjigjur pyetjeve të qytetarëve lidhur me arsimin në këtë situatë alarmante nga koronavirusi.
Përmes një video-mesazhi në rrjetet sociale ka sqaruar se si do të veprohet me vlerësimin e nxënësve, që nuk kanë qasje në internet apo nuk kanë një telefon smart.
“Natyrisht, puna vështirësohet në këto raste, por mësuesit kanë qasje tek nxënësit e tyre përmes telefonave që nuk janë smart. Kështu që, vlerësimi do të jetë kryesisht ‘vlerësim me gojë’ përmes një telefonate të shkurtër. Mësuesit janë udhëzuar se si mund të bëhet kjo dhe unë besoj që do të fillojnë ta praktikojnë së shpejti”, u shpreh Shahini.
