Ish-presidenti i UEFA-s, Michel Platini, ka dhënë opinionin e tij për derbin e nesërm mes Interit dhe Juventusit. Francezi, si një ish-juventin, beson se “Zonja e Vjetër” do të triumfojë 0-1, madje ai parashikon dhe golashënuesin.
“Do të përfundojë 1-0 për Juventusin dhe golin do ta shënojë Cristiano Ronaldo. Do të jetë një sfidë emocionuese. Bardhezinjtë kanë CR7, i cili është fantastik, fenomenal dhe shumë profesionist. Fizikisht është si bishë dhe falë tij ai luan në këto nivele edhe në këtë moshë.Ai është modeli i djemve të sotëm, që merren me futboll; siç isha unë për lojtarët e Juventusit të viteve ’80 dhe Sivori më parë”, është shprehur Platini në intervistën e dhënë për “Gazzetta dello Sport”.
Për Dybala, Platini shton: “Më pëlqen shumë. Ai është pjesë e kategorisë së lojtarëve si Maradona”.
