Kreu i PD, Lulzim Basha ka deklaruar se objektivi kryesore i PD, i opozitës është ti japim fund kësaj krize poltike.
Në një Intervistë për Ora News, Basha tha se propozimet që unë kam parashtruar janë propozime të cilat kanë të bëjnë me forcimin dhe kontrollin e balancave dhe rikthimin tek qytetarët të pushtetit që sot ju eështë vjedhur nga ky pushtet dhe nga bashkëpunimi i krimit të organizuar me politikën.
Pjesë nga Intervista
Keni lançuar një platformë që tejkalon reformën zgjedhore dhe duket se prek thellësisht edhe kushtetutën.A mendoni se ajo mund të aplikohet në zgjedhjet me të afërta politike?
– Objektivi kryesore i PD, i opozitës dhe qytetarëve shqiptarë është ti japim fund kësaj krize politike. Zgjedhjet e lira dhe të ndershme dhe zgjedhjet legjitime vendore janë rruga për ta bërë këtë dhe ne duam që kjo të ndodh një orë e më parë. Por sigurisht me standarte për ti siguaruar shqiptarëve votën e lirë. Propozimet e tjera që unë kam parashtruar janë propozime të cilat kanë të bëjnë me forcimin dhe kontrollin e balancave dhe rikthimin tek qytetarët të pushtetit që sot ju eështë vjedhur nga ky pushtet dhe nga bashkëpunimi i krimit të organizuar me politikën.
Z.Basha, ka një perceptim se duke u përqëndruar tek çeshtje teknike, duket se po lihet mënjanë objektivi politik për largimin e Ramës, dhe zgjedhje pa Edi Ramën?
-Ruajtja e vullnetit të qytetarëve, dhenja fund e shit-blerjes së votave, nuk është objektiv teknik është objektiv politik. Zbatimi i rregullave zgjedhore egzistuese apo të reformuara përmes një qeverie kujdestare pa Edi Ramën kryeminsitër, është objektiv politik. Por nuk është objektiv thjesht i një partie, është rruga për ta nxjerr Shqipërinë nga kjo krizë dhe për t’iu rikthyer shqiptarëve atë që ju ka vjedhur ky pushtet i dalë nga bashkëpunimi i PS me
krimin e organizuar.
Ky propozim i juaj, mund të diskutohet përtej 15 Marsit, si një datë e vendosur për miratimin e reformës zgjedhore?
– Fokusimi tek shtyrja e datës 15 mars, tregon mungesë vullneti nga ana e PS. Këtu nuk kam asgjë tjetër për të shtuar, vec t’iu them se çdo ditë që kalon është me kosto të madhe për qytetarët shqiptarë. Çdo makinacion është i pa pranueshëm për opozitën dhe Partinë Demokratike.
