Një 25-vjeçar është plagosur me thikë një ditë më parë në qytetin e Durrësit, ndërsa ditën e sotme, policia ka bërë të mundur arrestimin e autorit të kësaj ngjarje.
Në pranga është vënë shtetasi me inicialet P.B., 56 vjeç. Sipas policisë, ngjarja ka ndodhur në lagjen numër 16, ku pas një konflikti për motive të dobëta, 56-vjeçari ka goditur me mjet prerës (thikë), në pjesën e gjoksit, shtetasin A. N., 25 vjeç, banues në Durrës.
Raportohet se i plagosuri ndodhet në spitalin e Durrësit nën kujdesin e mjekëve.
