Një zonjë nga Durrësi ka humbur jetën në Itali, për shkak të virusit.
Këtë lajm e ka bërë me dije konsullja shqiptare në Milano, Anila Pojani. Ajo gjatë një lidhje të drejtpërdrejtë me emisionin “Real Story” në “News 24” ka konfirmuar këtë lajm.
Ajo ka thënë: “Kemi konstatuar se qytetarja nga Durrësi ka ndërruar jetë, për shkak të një arresti kardiak dhe ka rezultuar pozitive me koronavirus. Dokumentacioni zonjës ka mbërritur sot në Konsullatë.
Djali, vajza dhe bashkëshorti i të ndjerës janë të gjithë në karantinë. Ceremonia mortore është pezulluar, për shkak të situatës.
Të gjithë viktimat janë në morg. Ky virus u përhap shpejt dhe ishte i panjohur. Masat parandaluese këtu në Shqipëri u morën shumë shpejt, u pezulluan aktivitetet sportive, kulturore, u mbyllën muzetë, teatrot e kështu me radhë”.
