Plagosën me thikë 39-vjeçarin/ Arrestohen dy vëllezër në Kamëz, shpallet në kërkim vëllai i tretë

Dy vëllezër janë arrestuar nga Policia e Tiranës si dhe është shpallur në kërkim vëllai i tretë pasi kanë plagosur me thikë një shtetas.
Në pranga kanë rënë shtetasit G. M., 39 vjeç dhe L. M., 36 vjeç (vëllezër, të dy banues në Kamëz).
Si dhe u shpall në kërkim vëllai tjetër i dy të arrestuarve, shtetasi A. M., 42 vjeç, banues në Kamzë.
Të tre vëllezërit, në bashkëpunim me njëri-tjetrin, në rrugën “Teuta”, pas një konflikti për motive të dobëta, kanë goditur me mjet prerës shtetasin L. D., 39 vjeç, i cili ndodhet në spital nën kujdesin mjekësor.
Gjatë kontrollit të ushtruar në banesën e këtyre shtetasve u gjetën dhe u sekuestruan në cilësinë e provës materiale katër armë gjahu.
Po ashtu shtetasi i lënduar u proceduar penalisht për veprën penale “Prodhimi dhe shitja e lëndëve narkotike”.