Nga Frrok Çupi
Prej sot, në lulishten e godinës së Kuvendit të Shqipërisë do të qëndrojë busti i ish-kryetarit të Parlamentit, Pjetër Arbnori.
Por duket se politikanët aktualë kanë dashur të fshehin dy “aktorët” kryesorë: Vetë Pjetër Arbnorin, një politikan që ishte dënuar me burgim 25 vjet në diktaturën komuniste dhe autorin e monumentit të tij.
Autori i monumentit, i cili ende nuk bëhet i njohur, si ta dinte, ka krijuar një kompozim të figurës së të të burgosurit legjendë, Arbnori, sikur ky po fshihet pas një sendi tjetër që është libër. Edhe qoshja ku e kanë vendosur bustin, është një qoshe e fshehtë. Vetë Pjetri u “fsheh” nëpër burgjet e diktaturës prej më shumë se dy dekada, deri në vitin 1990; dhe nuk donte të dëshmonte për atë periudhë të tmerrshme. Madje edhe gruan e fëmijët “i gjeti” pas periudhës së burgut; ata ishin të pranishëm sot në ceremoni.
Por, politikanët gjithnjë fshehin autorët artistë. Kjo është një nga xhelozitë kriminale të shoqërisë politike. As në këtë moment nuk është bërë i njohur emri i skulptorit të “Pjetrit”.
Politikanët kishin ardhur në ceremoni për të shfaqur veten, më shumë se Pjetrin.
Në ceremoninë e përurimit ku merrnin pjesë kreut i Shtetit Ilir Meta, kreu i opozitës Lulzim Basha, deputetë nga të gjitha partitë politike dhe familjarë. Kryeparlamentari Gramoz Ruçi vlerësoi figurën e Arbnorit, duke u shprehur se ai mbeti njeri i dashurisë për njerëzit.
