Drejtori i të ashtuquajturës, Zyrë Serbe për Kosovën, Petar Petkoviç, ka reaguar pas lajmit se kryeministri Albin Kurti ka pranuar ekzistencën e arkivave të UÇK dhe se është gati t’i hapë ato.
Mediat serbe bëjnë me dije se ai ka deklaruar se kjo është mënyra e vetme për të bërë ndryshimin e shumëpritur në sqarimin e fatit të 1,600 personave të zhdukur.
“Beogradi është një partner absolutisht i besueshëm në përmbushjen e të gjitha detyrimeve të tij nga dialogu dhe një bashkëbisedues në bashkëpunimin në fushat që përfaqësojnë trashëgiminë e qytetërimit, siç është edhe kërkimi i të zhdukurve”, ka thënë Petkoviç.
