Dy persona të maskuar i kanë vënë flakën një kamioni në Fushë-Krujë por policia nuk e di ende se çfar kishte në atë kamion apo cilët ishin autorët e këtij akti. Siç njofton policia, ngjarja ka ndodhur gjatë natës së mbrëmshme në Unazën e vjetër pranë fshatit Zallë në Fushë Krujë.
Në njoftimin për shtyp të policisë, theksohet se: Pranë serave të Xhamit në Fushë-Krujë është djegur plotësisht një kamion tip Benz me targa AA 160 IS me drejtues shtetasin E.B. Mjetit i kanë dalë dy persona para, duke e ndaluar, kanë zbritur shoferin dhe i kanë vënë flakën mjetit dhe më pas janë larguar”, thuhet në njoftimin e policisë.
