Pas përplasjes me armë që ndodhi paraditen e sotme në zonën e Lungomares në Vlorë, kanë dalë detaje të reja rreth ngjarjes.
Është zbuluar se kush ka qenë shënjestra e atentatit me armë zjarri kallashnikov.
Ai është shtetasi me iniciale I.H., person me precedent të mëparshëm penal. I.H mësohet se i ka shpëtuar një shpërthimi me tritol në vitin 2017.
Kujtojmë që si pasojë e shkëmbimit të zjarrit ditën e sotme në Vlorë ka mbetur i plagosur shtetasi Dajko Cenodemaj.
Dajko Cenodema, 58 vjeç, punonjës i Bashkisë së Vlorës se nuk ishte ai objektivi i sulmit, ndonëse ka mundur të shohë të gjithë skenën që zhvillohej para syve të tij.
“Nuk kam qenë unë objekti i të shtënave me armë. Ishin dy makina që po qëllonin me njëra-tjetrën. Të shtënat ishin të shumta me breshëri, një nga plumbat më kapi gabimisht në këmbë”,- tregon 58-vjeçari.
video nga balkanweb.com:
