Pas votimit të minstrave të rinj të qeverisë Rama, ministrja e Arsimit Lindita Nikolla ka kërkuar ndjesë për shpërthimin e saj gjatë përplasjes me kreun e LIBRA-s, Ben Blushi.
Nikolla i ka kërkuar ndjesë nxënësve dhe mësuesve për fjalorin duke premtuar se nuk do të ndodhë më.
“Dua t’i kërkoj ndjesë gjthë mësuesve dhe nxënësve që panë Lindita Nikollën në një moment jo të qetësisë, por për shkak të ndërhyrjeve vulgare të Ben Blushit teksa unë isha duke iu përgjigjur pyetjeve të zonjës Hafizi, ishte e pamundur të qendroje sulmeve të paprecedenta të një njeriu që pretendon të jetë kreu i një partie politike.
Ndjesë mësueseve dhe nxënëseve, sigurisht që nuk do ndodhë më por është e pamundur për një njeri prej mishi e gjaku që prej tre vitesh e gjysmë ndiqet nga një njeri që dikur isht pjesë e grupit tonë të përbashkët.
Do i shkoj deri në fund të vërtetës, qoftë për kuotat, qoftë për djalin që kishte takuar në Lushnje, që i sjell tani si personazhe librash e të sqarohet kush thotë të vërtetat e kush gënjen”, tha Nikolla.
