Votimi i sotëm në parlament për shkarkimin e 4 ministrave dhe emërimin e 4 të rinjve ka bërë që disa nga deputetët të largohen nga salla e kuvdenit. Gjatë votimit për shakrkimin e Blendi Klosi numri i votave ka rezultuar të jetë 70 nga 71 që janë të nevojshme.
Kreu i grupit socialist Gramoz Ruçi ka marrë fjalën ku ka kërkuar deputetëve të PS të kthehen në sallë pasi për shkak të mungesës së tyre nuk ka qenë numri i votave të nevojshëm për shkarkimin e ministrit.
Shkarkimin e Klosit dhe emërimin e Xhaçkës u përsërit edhe një herë në sallën e parlamentit. Deputetët e PS u kthyen në sallë dhe votuan me 76 vota pro shkarkimin e Klosit dhe po me 76 vota emërimin e Xhaçkës si ministre e Mirëqenies Sociale.
Gjatë seancës së sotme ku u votuan ministrat e rinj është vënë re mungesa e kreut të Kuvendit Ilir Meta dhe n/kryetarit Shpëtim Idrizi. Por gjithsesi, votat e deputeteve të tyre, pra të LSI dhe PDIU kanë shkuar pro ministrave të rinj.
