Një aksident ka ndodhur mbrëmjen e sotme në Elbasan, ku nga përplasja e një kamionçine me një motoçikletë kanë mbetur të plagosur 2 persona.
Aksidenti ka ndodhur në aksin Elbasan-Librazhd, në fshatin Labinot Fushë, ku një kamionçinë, me drejtues një 52-vjeçar me inicialet F.M është përplasur me një motoçikletë. I plagosur ka mbetur drejtuesi i motoçikletës dhe pasagjerja.
Njoftimi i plotë i policisë:
Elbasan/ Informacion paraprak
Në aksin rrugor Elbasan- Librazhd, në fshatin Labinot Fushë, mjeti tip kamionçin me drejtues shtetasin F.M., 52 vjeç, banues në fshatin Shalës, Cërrik, është përplasur me njē motoçiklet me drejtues shtetasin H.S., 52 vjeç, banues në Elbasan.
Si pasojë është plagosur vetë drejtuesi i motoçiletës dhe shtetasja L.S., pasagjere në motoçikletë, dhe ndodhen jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.
