Një aksident i trefishtë ka ndodhur pasditen e sotme në Elbasan.
Mësohet se në aksin rrugor Elbasan- Peqin, në fshatin Bradashesh, mjeti furgon tip “Benz”, i cili drejtohej nga A.Gj., 27 vjeç, është përplasur me mjetet tip “Volkswagen”, me drejtues G.M., 37 vjeç dhe me mjetin tip “Benz”, me drejtues Gj.H., 51 vjeç.
Njoftimi i policisë:
Elbasan/ Informacion paraprak
Në aksin rrugor Elbasan- Peqin, në fshatin Bradashesh, mjeti fugon tip “Benz”, me drejtues shtetasin A.Gj., 27 vjeç, banues në Vlorë, është përplasur me mjetet tip “Volksëagen”, me drejtues shtetasin G.M., 37 vjeç, banues në Elbasan dhe me mjetin tip “Benz”, me drejtues shtetasin Gj.H., 51 vjeç, banues në Tiranë.
Si pasojë e aksidentit është plagosur pasagjeri i mjetit “Volkswagen” shtetasi Q.M., 56 vjeç, banues në Elbasan , jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.
