Pero Pejiç ka mbetur i dashuruar me Kukësin, ku ka arritur edhe kulmin e karierës së tij. Me të përfunduar aventurën e tij në Iran, sulmuesi kroat është bindur sërish nga presidenti Safet Gjici për të qenë pjesë e fituesve të kupës së Shqipërisë, një ambjen që e njeh mjaftë mirë. “Kroati është padyshim një ndër lojtarët më kualitativ të ardhur ndonjëherë në Shqipëri dhe ka treguar vlera të padiskutueshme duke qenë për vite me radhë si golashënues. Në sezonin 2014-2015, ai luajti për Kukësin dhe shënoi 31 gola në 35 ndeshje në kampionat dhe 4 gola në 5 ndeshje në Kupën e Republikës. Sulmuesi shënoi edhe 3 gola në 4 takime në Europa League duke e mbyllur sezonin me ekipin e F.K. Kukësit në kuotën e 38 golave”, thuhet në njoftimin e klubit pas arritjes së akordit.
Ndërkohë që duke u kthyer për në Kroaci, pas arritjes së marrveshjes, makina e Pero Pejiç është përfshirë në një aksident në Tiranë, pikërisht afër Librit Universar dhe pamjet janë shfaqur në portalin “Jeta osh qef”. Sipas po njoftimit të klubit, mjeti që po drejtohej nga bashkëshortja e futbollistit kroat është përplasur me një motoçikletë dhe nga aksidenti nuk ka asnjë të lënduar, ndërsa futbollisti ka vazhduar udhëtimin për në Kroaci së bashku me familjen.
