Banorët e zonave të përmbytura në Shkodër kanë ndërprerë mbrëmë grevën e urisë, për shkak të kushteve të vështira.
Disa banorë të zonës së NënShkodrës nisën dje grevën e urisë në shenjë proteste për dëmshpërblimet për përmbytjet e vitit 2010-2011.
Greva u zhvillua në stolat para shatërvanit në qendrën e qytetit të Shkodrës, pasi forcat e policisë nuk i lejuan banorët të kalonin në mjediset e Prefekturës.
Në lidhje me këtë situatë ka reaguar edhe prefekti i Shkodrës, Paulin Radovani, i cili sqaron se vlerësimet e treta për dëmet nga përmbytjet nuk kanë kaluar fare në qeveri.
Gjatë vitit 2010, zona e NënShkodrës u përmbyt me një dëm të llogaritur deri në 30 milonë dollarë. Nga dëshpërblimi i premtuar në masën 100%, banorët thonë se kanë marrë deri tani shumën që u kompenson vetëm 49% të dëmit.
