Lezha është përmbytur sërish nga rreshjet e rëna gjatë mbrëmjes së kaluar. Kjo është hera e katërt që Lezha përmbytet në dy javë.
Pëmbytja nisi që në orët e para të mbrëmjes të së shtunës, ku disa lagje të qytetit të Lezhës u pushtuan nga vërshimi i ujërave malorë.
Kreu i njësisë adminsitrative Tonin Uldedaj thotë se janë shkaktuar dëme të konsiderueshme. Probleme ka pasur dhe në qytet. Lagjia “11 janari” ka qenë nën ujë.
Probleme të shumta raportohen edhe në njësinë administrative Zejmen, Kolsh Balldre.
