Një përleshje e ashpër mes dhjetëra ciganëve dhe shqiptarëve ka ndodhur mbrëmjen e së enjtes në perëndim të Selanikut.
Sipas informacioneve të protothema.gr, gjithçka ka ndodhur pak pas orës 22:00 në Parkun Peristeria. Sipas dëshmitarëve okularë, shkak ka qenë fakti se të miturit e dy familjeve janë grindur me njëri-tjetrin.
Më pas gratë e dy familjeve filluan të rriheshin, ndërsa episodi u shndërrua shpejt në një sherr të ashpër ku u përfshinë më shumë se 20 persona. Të njëjtat informacione thonë se fillimisht ka shpërthyer një sherr mes të miturve dhe më pas janë përfshirë prindërit.
Në episodin e egër që zgjati rreth një orë, ata përdorën gurë, shishe alkooli dhe sende të tjera. Banorët e lagjes të frikësuar kanë lajmëruar policinë e cila ka shkuar në vendngjarje. Nga ngjarja kanë mbetur të plagosur të paktën dy persona dhe deri më tani policia ka arrestuar katër persona.
