Tre zyrtarë të sigurimit dhe 29 të burgosur kanë vdekur gjatë një revolte në burgun e sigurisë më të lartë në shtetin e Taxhikistanit.
Revolta ka shpërthyer më 19 maj në qytetin Vahdat, rreth 25 kilometra në lindje të kryeqytetit, Dushanbe.
Militantët e dënuar të grupit ekstremist, Shteti Islamik (IS) kanë vrarë me thika tre zyrtarë të sigurisë dhe pesë të burgosur të tjerë.
Në deklaratë thuhet se situata është nën kontroll dhe se kanë nisur hetimet. Ndërkohë gratë e disa të burgosurve që kanë qenë në një tjetër bllok për vizita, kanë deklaruar se kanë dëgjuar të shtëna rreth 30 minuta.
Një situatë e ngjashme ka ndodhur edhe muaj më parë në një tjetër burg të këtij shteti.
