Personi që shihni në foto është 23- vjeçari Emanuel Rroku i cili dy ditë më parë humbi jetën pas një përleshjeje me disa shqiptarë në Milano. I riu është me origjinë nga Shkodra e nuk u ka shpëtuar dot plumbave, duke përfunduar i vdekur në spital.
Ngjarja ndodhi në një lokal teksa të rinjtë shqiptarë ishin duke festuar dhe janë konfliktuar për një femër. Kaq ka mjaftuar që një 34-vjeçar shqiptar të qëllojë me armë ndaj një bashkëkombasi 30-vjeçar.
Autori i ngjarjes së rëndë është arrestuar, por ndodhet në spital në gjendje të rëndë pasi u rrah nga shqiptarët e tjerë në lokalin ku po festonin. Ndërkohë i plagosur ka mbetur edhe një bashkatdhetar 30-vjeçar.
Përplasja e përgjakshme ndodhi më 16 shtator, rreth orës 23:30 në qendër të komunës së vogël që ndodhet në provincën e Milanos. 3 shqiptarët e përfshirë në të shtënat me armë ishin pjesë e një grupi të përbërë nga dhjetëra bashkëkombës. Nën efektin e alkoolit dhe për shkaqe banale, sherri shpërtheu në të shtëna me armë në rrugë.
