Pas përjashtimit të Flamur Nokës nga Kuvendi, kreu i grupit parlamentar të PS, Taulant Balla tha se ky është një skenar i parapërgatitur nga PD.
“Siç e shikoni ne bashkë me ju po bëhemi dëshmitarë të një skenar të parapërgatitur në çdo seance ku sapo fillon seanca, PD shpik një arsye për të bllokuar Kuvendin. Në seancën e kaluar u shpërdorua Basha, sot u shpërdorua Noka që do jetë një shpërdorim i mandatit të tij.
Shqiptarët na kanë besuar për më shumë punë dhe shtet. Na vjen keq që PD është rikthyer një bllokim që nuk i bën mirë Shqipërisë. Pr.ligji për pakicat ka kaluar përmes një konsensusi të plotë. Kështu e lexon PD votën e 25 qershorit. Fjala për procedure jepet, por kur deputeti që ka radhën në foltore fjala prevalon. Noka i ndërpreu fjalën deputetit të LSI.”- tha Balla.
