Sapo ka përfunduar takimi i Kryeministrit Rama me drejtuesit politik të Qarqeve të Veriut.
Mësohet se Rama u ka kërkuar atyre që të marrin masa për të mos lejuar largimin nga puna të asnjë gruaje dhe vajze në bashkitë që deri më sot janë drejtuar nga e djthta dhe opozitta.
“Çdo vendim të merret në bazë të meritës dhe duhet të tregohet kujdes sidomos me bashkitë që drejtohen momentalisht nga e opozita”, mësohet të ketë thënë Rama.
Ndërkohë mësohet se rreth orës 17:00, Taulant Balla do të mbledh drejtuesit 4 qarqeve të Shqipërisë së Mesme ndërsa Gramoz Ruçi do të mbledh drejtuesit e Qarqeve të Shqipërisë së Jugut në qytetin e Fierit.
Këto takime të befasishme dhe të rakorduara pothuajse në të njëjtin orar, vijnë pak kohë pasi Rama mbledhi në selinë e PS kryesinë e partisë në të cilën u diskutua mbi procesin zgjedhor të 30 Qershorit.
