Ka përfunduar takimi mes të dërguarit të SHBA-së për Ballkanin Perëndimor, Gabriel Escobar dhe presidentes së Kosovës, Vjosa Osmani.
Në dalje të takimit që zgjati rreth 2 orë, Escobar nuk ka pranuar që të flasë për mediat që ndodheshin jashtë selisë së presidencës dhe të ndante më shumë informacione nga ai takim që zhvilloi me presidenten e Kosovës.
Ndërkohë, kujtojmë se diplomati i lartë amerikan gjatë mbrëmjes së sotme do të zhvillojë takime dhe me liderët e opozitës.
Vizita e Escobarit dhe Lajçakut vjen pas dështimit të arritjes së ndonjë marrëveshje mes Kosovës dhe Serbisë në takimin e 18 gushtit që pati kryeministri Kurti me presidentin serb Vuçiç, në Bruksel.
