Mbrëmjen e sotme është përfshirë nga flakët një banesë në Shkodër. Lidhur me ngjarjen bëhet me dije se ka marrë flakë një shtëpi tek “Kryqëzimi i Degës” në qytetin e Shkodrës.
Gjithashtu, lidhur me situatën raportohet se është përfshirë nga flakët një banesë në katin e katërt të një pallati, ndërsa mësohet se në momentin që është përfshirë nga flakët, nuk ndodhej askush në shtëpi.
Zjarri dyshohet të jetë shkaktuar nga një shkëndijë elektrike.
Nga ana tjetër, në vendin e ngjarjes ka mbërritur zjarrfikësja, për të bërë të mundur shuarjen e flakëve dhe për të marrë nën kontroll situatën.
