Një 23 vjeçare me origjinë shqiptare ka rënë në prangat e policisë italiane pasi akuzohet për shitje të lëndëve narkotike.
Mësohet se vajza përdorte apartamentin e saj në Alba për të shitur kokainë.
Gjatë ndjekjes dhe hetimit të 23 vjeçares, policia pikasi një çift që sapo kishin blerë drogë.
Më pas u vu në ndjekje deri në banesë dhe sekuestroi 30 gram kokainë, peshore elektronike dhe materiale për paketimin e dozave.
Tashmë 23 vjeçarja ndodhet në komisariat ku pritet të jepet dhe masa e caktuar.
