Një sasi prej 65 kg kanabis sativa është sekuestruar nga policia e Peqinit si dhe janë arrestuar 4 persona të akuzuar si poseduesit e drogës.
Në kuadër të operacionit të koduar “Transportuesi” u arrestuan Asllan Muka, 38 vjeç banues në Shijak, Fidel Osma 23 vjeç banues në Durrës, Amarildo Braçe 29 vjeç banues në Durrës dhe Mario Hoxholli, 23 vjeç banues në Durrës.
Policia sqaron se arrestimi i këtyre shtetasve u bë pasi gjatë kontrollit të ushtruar në automjetin tip BMW X5, u gjet dhe u sekuestrua një sasi e konsiderueshme lënde narkotike e dyshuar Cannabis Sativa. Kjo vepër penale, dyshohet të jetë kryer në bashkëpunim nga shtetasit; Fidel Osma i cili ka qenë drejtues i automjetit me targa AA 101 MY, Asllan Muka, Amarildo Braçe dhe Mario Hoxholli.
Grupi hetimor sekuestroi në cilësinë e provës materiale 65 kg lëndë narkotike e dyshuar “Cannabis Sativa”, dy automjetet, 5 aparate celularë të markave të ndryshme dhe 2670 Euro.
