Gjatë takimit të kryeministrit Rama me studentë të Arkitekturës, një pedagog theksoi se praktikisht ka rënë ligji i arsimit të lartë, rektorati dhe vetë Ministria e Arsimit.
“Ai senat që na përfaqëson atje, është një celulë malinje. Ligjin nuk e pyet njeri. Këtu ka rënë ligji. Këtu punësohen pedagogë të rinj pa zbatuar ligjin. Kur i tregon rektorit ligjin, e marrin me sportivitet. Kam një korrespondencë të gjatë me rektorin. Këtu ka pedagogë me mesatare të ulët dhe plagjiatura. Këtu, llumi është kthyer në zullum”, tha pedagogu.
Rama: Më thuaj një pikë të ligjit që është pengesë?
Pedagogu: Problem është për t’u zbatuar.
Rama: Ç’është ky kor? Në kopsht jeni këtu? Në cilin universitet të planetit e keni parë? Kush fillon në kor për të prishur. Nuk mund ta pranoj këtë. Profesori flet dhe ju bëni kor. Kam ardhur të bëj dialog dhe as të dëgjoj juve të bëni kore.
Pedagogu: Unë thashë që këtu ka rënë ligji, kanë rënë edhe rektorati dhe Ministria. Përgjigjet që ka dhënë rektorati për kërkesat tona janë të nivelit qesharak.
