Partia Drejtësi, Integrim dhe Unitet ka reaguar pas deklaratës zbythëse të Partisë Demokratike në lidhje me tezat shoviniste të këshilltarit të Cipras, Markopulos në Tiranë gjatë punimeve të Kongresit të PBDNJ-së në Tiranë. Selisë blu i janë dashur 24 orë të kuptojë përse heshti drejtuesi i lartë, Edi Paloka para këtyre thirrjeve përçarëse. Gjithsesi në bazë të parimit “më mirë vonë se kurrë”, partia më e madhe e opozitës lëshoi të djelën një deklaratë për këtë çështje. Më poshtë komenti i ardhur nga PDIU, i cili është shoqëruar me një foto e këshilltarit “luftarak” të Ciprasit që është i dorëzuar para maces së tij. Kjo foto shoqërohet me diçiturë thumbuese për politikanët shqiptarë.
Reagimi i PDIU:
Partia Drejtësi, Integrim dhe Unitet përshëndet qëndrimin dinjitoz të Partisë Demokratike përkundër deklaratave fyese të këshilltarit të kryeministrit grek ndaj kombit shqiptar.
E vlerësojmë megjithatë, praninë e zotit Paloka dhe të kryeministrit Rama në Kongresin PBDNJ, ku u demonstrua në mënyrë të përsëritur arroganca e megollamonania e çdo zyrtari të vogël të qeverisë greke, e cila do të transferojë hallet e saj në Shqipëri.
PDIU i bën thirrje qeverisë shqiptare të protestojë zyrtarisht ndaj qëndrimit atavist dhe të papranueshëm të përfaqësuesit të qeverisë greke.
