Partia Drejtësi Integrim dhe Unitet deklaron se edhe pse jemi vendi me mbështetjen më të ulët financiare në Rajon për ekonominë, shqiptarëve u flitet për luftë, arkivole e pirgje me kufoma.
Përmes një deklarate për shtyp, PDIU shprehet se ndërkohë kur mbështetja për shëndetësinë si dhe ajo financiare, duhet te ishin preokupimi i mbledhjeve te qeverisë; Qeveria gjen kohën dhe momentin ti japë “Kastrati Grup” me koncension: Portin e Porto Romanos.
Deklarata e plotë:
Ndërkohë që jemi vendi me mbështetjen më të ulët financiare në Rajon për ekonominë dhe në raport me Kosovën, Maqedoninë e Veriut dhe Malin e Zi;
Ndërkohë që shqiptarëve u flitet për luftë, arkivole e pirgje me kufoma dhe njerëzit dhe ekonomia vetëizolohen;
Ndërkohë që mbështetja për shëndetësinë dhe mbështetja financiare për sipërmarrjen duhet te ishin preokupimi i mbledhjeve te qeverisë;
Qeveria në mbledhjet e saj merret me heqjen e Tvsh-së për Jahtet.
Pagesa deri në 5 milionë euro për Incineratorin e Tiranës.
Qeveria gjen kohën dhe momentin ti japë “Kastrati Grup” me koncension: Portin e Porto Romanos.
Ftojmë prokurorinë dhe SPAK të dalë nga vetëizolimi dhe të hetojë Pandeminë e abuzimeve.
Edi Rama: Laj duart!
