Partia Drejtësi Integrim dhe Unitet nëpërmjet një deklarate për mediat dënon dhunën e sotme kundër shqiptarëve, të cilët e kanë fituar të drejtën për të protestuar që në vitin 1990.
Në deklaratë thuhet se “Rama po përdor instrumentet e dhunës për të mbajtur një pushtet të degraduar në të gjitha drejtimet”.
Deklarata e plotë:
PDIU dënon dhunën e sotme kundër Shqiptarëve, që të drejtën për të protestuar e kanë fituar që në vitin 1990 kundër dikataturës më të egër të Enver Hoxhës.
Sot Edi Rama po tenton të përdorë instrumentet e dhunës për të mbajtur një pushtet të degraduar në të gjitha drejtimet.
PDIU i ben thirrje Edi Ramës dhe anturazhit të Rilindjes ti thërrasë arsyes dhe të mos kalojë caqet e të shtojë kostot për vendin, qytetarët dhe për atë vetë, në rrugën e qorrsokakut që po zhytet përditë.
Vendit i duhen urgjent zgjedhjet e parakohshme për të rivendosur stabilitetin dhe demokracinë, si e vetmja rruge për të shfryrë krizën Politike, ekonomike dhe Institucionale që ka përfshirë vendin nga arroganca e një pushteti absolut.
