Pasi mbylli takimin në Lezhë, Sali Berisha ka nisur një tjetër takim me demokratët e Shkodrës. Nga atje ai iu ka premtuar atyre se do të punojë që PD të rimarrë vendin që i takon, pasi gjatë këtyre viteve u kthye në shërbim të Edi Ramës dhe qeverisë së tij. Më tutje, Berisha ka akuzuar qeverinë se po tenton të kontrollojë sistemin e drejtësisë, në mënyrë që të godasë “Rithemelimin” dhe çdokënd tjetër që kërkon transparencë dhe votë të lirë.
“Lëvizja jonë mori jetë në një nga momentet më kritike, më absurde, më antidemokratike të Shqipërisë. Kjo lëvizje në një kohë të shkurtër riktheu në Shqipëri opozitën e vërtet, riktheu PD e rithemeluar, si parti të idealeve dhe shpresave tuaja. Në këtë udhëtim Shkodra më 6 mars do të paraqitej siç është, diamanti i fitores së kësaj fitoreje epike. Një qeveri e cila disponon mjete të paligjshme, një qeveri e cila në dhunim të normave demokratike ka vendosur të çimentojë pushtetin e saj.
Një preudoopozitë, e cila është shndërruar në një freskore të qeverisë u angazhua me lojërat e saj. Një drejtësi e kontrolluar nga qeveria, në funksion të goditjes së opozitës së vërtet. Kësaj here në goditje kundër PD dhe opozitës së vërtet u mobilizua edhe mafia e Xhorxh Sorosit, mafia më e rrezikshme politike”, tha Berisha. Ndërsa shprehur Bindjen se PD po del nga kriza që e kishte përfshirë, për shkak të paaftësisë së Bashës.
