Partia Demokratike ka nxjerrë Blof deklaratat e ish-kryeministrit Sali Berisha dhe deputetit demokrat Flamur Noka kur thanë dje pas dëshmisë në prokurori se protesta e 8 janarit ka qenë paqësore.
PD ka publikuar një video që tregon se përkrahësit e Berishës ushtruan dhunë ndaj selisë, duke shqyer dyert e dritaret dhe goditur me gurë drejt godinës. Sipas PD, Berisha kërkonte gjakun e demokratëve, ndërsa mbështetësit e tij përpiqen të mohojnë dhunën.
“Vetëm një njeri në hall të madh mund të mashtrojë hapur shqiptarët për dhunën dhe terrorin e ushtruar kundër PD. Sali Berisha ishte ideatori dhe urdhëruesi i dhunës dhe terrorit. Sali Berisha kërkonte që mbi gjakun e demokratëve të negocionte “non grata-n” e tij. Njësoj si ai, edhe ndihmësit e tij të sulmit përpiqen të mohojnë dhunën që e pa gjithë bota. Demokratët e kuptuan dhe u shkëputën përgjithmonë nga ata që e kanë përdorur dhunën si mjet politik!”, shkruan PD.
Mesditën e sotme, Lulzim Basha dhe Gazment Bardhi do të dëshmojnë në prokurori për protestën e 8 janarit, ndërsa Sali Berisha dhe Flamur Noka dëshmuan dje.
