Janë siguruar pamjet nga Pallati i Sportit “Qazi Dervishi” në Shkodër të cilat zbardhin gjithë incidentin e ndodhur pasditen e sotme ku njerëz të PS dhe deputetit të saj Luan Harusha thyejnë me dhunë ambientet e tij.
Në pamjet e siguruara shfaqen një numër i madh personash që konfliktohen e më pas thyejnë dyert e objektit ku ndodheshin ende një pjesë e materialeve zgjedhore që do të spostoheshin në KZAZ-në e vendosur në shkollën “Arben Broci”..
Siç shihet në pamje, në vendngjarje janë 4 makina, një “Volkswagen pasat” ngjyre jeshile e cila ka targën SH 3573 E, një “Peugeot” e bardhë me targë SH 1782 E; një “Mercedes Benz Cls” me targë AA 007, pronari i te cilit është Ergys Harusha, nipi i deputetit të Partisë Socialiste, Luan Harusha.
Në reagimin e PD-së thuhet se policia bashkiake e Shkodrës, e cila ka nën menaxhim këtë institucion i ka ndaluar dhunuesit, ndërsa kur arrin Policia e Rendit, autorët largohen nga vendi i ngjarjes. Ata nuk janë ndaluar nga uniformat blu.
Pamje të siguruara nga BallkanWeb:
