“Koço shtiu në dorë pasurinë e radhës kalanë e Porto Palermos”
Politika e Edi Ramës ka vetëm një qëllim: pasurimin e Koço Kokëdhimës. E gjithë propaganda e tij në jug është një tallhje me banorët. Ky ka qenë qëndrimi I Partisë Demokratike pas vizitave që kryeministri po zhvillon në Jug. “Edi Rama, gjatë një vizite dy ditore në jug të vendit, ka tentuar tu shesë banorëve të bregut një mall të prishur, që askush nuk e blen më. Qytetarët e Fierit, Vlorës, Sarandës e më gjerë, e dinë se propaganda e Ramës është një tallje, pasi e vërteta është se qeveria e tij, në jetën e tyre, në lagjen e tyre, ka vetëm një kuptim: Si të pasurohet më shumë Koço Kokëdhima”, ka thënë zëdhënësja e PD, Ina Zhupa. Akuzat e PD drejtohen edhe një herë mbi Koço Kokëdhimën: “pasi ka shtënë në dorë çdo vend pune, çdo tender, çdo licensë, çdo tokë e truall, çdo plazh, çdo burim fitimi, me dekret të posaçëm të Edi Ramës, Koço po bëhet gati të fusë në kthetra dhe kalanë e Porto Palermos, dhe kjo është arsyeja pse Ministria e Kulturës vendosi t’i japë me qira këto objekte të trashëgimisë kulturore”, ka deklaruar zëdhënësja e PD.
