Roland Bejko, Sekretar për pushtetin vendor në PD, në një intervistë për mediat, ku ka folur për zhvillimet e fundit në Partinë Demokratike. Bejko përsëriti dhe një herë se rikthimi i Berishës në krye të PD do të jetë fundi për këtë parti dhe nëse kjo gjë ndodh PD s’do e sigurojë asnjëherë pushtetin. Sipas tij, Berisha nuk mund të rikthehet si kryetar pasi nuk ka më një kartë morale si dhe mbart ne vete barrën e non-gratas nga SHBA-ja.
“Prej kohësh kam artikuluar disa mendime të miat, dhe koha më ka dhënë të drejtë. Për mua gjithçka ka qenë një déjà vu, që në momentin që Berisha u shpall non grata, kam parashikuar nëse kthehet kam thënë se kthimi i Berishës në PD, do të jetë një katastrofë dhe do të jetë fundi i PD. Nëse rikthehet de Juro si kryetar i PD-së them se do të jetë një parti jo pushteti, por opozitare, s’do të sigurojë asnjëherë pushtetin. PD më Berishën do të marrë peng opozitën dhe s’do të prodhojë alternativë qeverisëse. Nuk ka rëndësi pozicioni im personal. Besimin e demokratëve të Gjirokastrës e kanë shpërdoruar dhe Berisha dhe Basha, sepse ata kanë dashur që unë të isha deputeti i parë. Por nuk është vetëm Gjirokastra, dhjetërave individëve i është ngrënë haku. Nuk ka perspektivë PD-ja me Berishën kryetar. Berisha nuk ka më një kartë morale, si psh lufta kundër korrupsionit dhe ka dhe barrën non-grata nga SHBA” – tha Bejko.
Bejko gjithashtu tha se nëse Berisha do të vij në krye të PD, nuk mund të bëjë reformën zgjedhore pasi SHBA nuk dalin garant mes opozitës dhe qeverisë
“Ata kanë thënë se nëse Berisha do vihet në krye, partia do të jetë e izoluar. Përshëmbull, nuk mund të bëjmë reformën zgjedhore pasi SHBA nuk dalin garant mes opozitës dhe qeverisë. Opozita do futet në vetëizolim dhe do humbë sërish, edhe nëse unë jap votën time. PD s’do jetë parti pushteti dhe do humbasë mbështetjen do bëhet si disa parti në Francë e Greq” – tha Bejko.
Bejko tha se grupi i Berishës i trajton çështjet si t’u vijë për shtat.
