Partia Demokratike i është përgjigjur me kundër akuza Partisë Socialiste për çështjen e lobimeve. Nga selia e PD-së, ish-deputeti i PD Enkelejd Alibeaj ka deklaruar se Edi Rama është personazhi i tretë dhe i fundit që nuk i është nënshtruar hetimit për foton me ish-presidentin Obama.
Alibeaj tha se Edi Rama u bë “bashkëshortja” e Bilalit për të realizuar një foto me ish-presidentin amerikan, ndërsa shtoi se duhet marrë si i pandehur.
“Dështim me shqiptarët që është bërë personazh makllkimesh e barcaletash dhe dështoi me mediat ndërkombëtare. E dinë të gjithë se fotoja e Edi Ramës është bërë me 80 mijë dollar amerikan e sponsorizuar nga Bujar Shehu që e mori si gruan e tij bashkë me amerikanin tjetër William Aguero. Të tre janë fajtor, dy prej tyre janë dënuar nga drejtësia Amerikanë ndërsa Edi Rama është i lirë. Pas dënimit të dy bashkëpunëtorëve të tij, i takon Edi Ramës të merret si i pandehur, sepse shuma vjen nga një burim i paligjshëm. Shqiptarërt duhet të dinë të vërtetën, dhe sot kërkohet vetëm standarti i drejtësisë amerikane”,. tha Alibeaj.
