Nga foltorja e kuvdenit, kryeministri Edi Rama ka deklaruar se dy forcat kryesore të opozitës PD dhe LSI, po dëmtojnë çeljen e negociatave, ekonominë e turizmin.
Rama bëri me dije se nuk do të ketë negociata për mandatin e maxhorancës. Ai tha se nëse do të ketë një vendim nuk do të jetë për shkak të opozitës, duke iu betuar PD-së dhe LSI-së se siglat e tyre shumica do i çojë për skrap.
“Karrigia e tyre është me afat, nuk është pa afat. Ata mund të kenë ende shpresë se këtu do vijnë nga qielli negociatorë edhe do na ulin në tavolinë dhe do na thonë: “hë tani djema si do ta normalizoni këtë punë?”. Ka vetëm një normalizim të mundshëm, të nevojshëm, të domosdoshëm, mbyllja e kapitullit 30 vjet “unë po iki po s’më thirre”, “unë nuk rri po s’më dhe atë që dua”, “unë po bëj këtë po s’më bërë atë”. Ky kapitull do mbyllet tani, është koha për ta mbyllur. Çdo parti politike, kur vjen në Kuvend duhet ta mendojë mirë. I kemi mundur dhe ju bashkë me ata, ju kemi mundur, do ju mundim prapë dhe do ju mundim më thellë. Bëni mirë të ndaheni një orë e më para nga ta, jo thjesht kush është brenda, kush është jashtë, por t’i jepni Shqipërisë një zgjidhje tjetër që të ketë një mundësi tjetër se ato dy sigla ne do i çojmë për skrap. Kaq po ju them”- deklaroi Rama nga foltorja.
