Partia Demokratike akuzon kryeministrin Rama për papërgjegjshmëri në menaxhimin e situatës së koronavirusit, që tashmë ka prekur 33 persona në vendin tonë dhe i ka marrë jetën një 73 vjeçareje.
“Po! Është ai “Alo, Edi jam”! Ndryshe tha në 27 Shkurt, ndryshe në 2 Mars, ndryshe në 12 Mars!
Kur i kërkonim të merrte masa, na akuzonte se po përhapnim panik dhe se koronavirusi nuk na kërcënonte. Tani që kërcënimi është realitet, bërtet se jemi në luftë! Në luftë ishim edhe në 27 Shkurt, edhe në 2 Mars, edhe në 12 Mars. I vetmi që nuk e kuptonte në kohë situatën dhe nuk jetonte me realitetin ishte Edi Rama!
Përgjegjshmëria kërkon që të jesh i përgatitur dhe të marrësh masat në kohë. Vonesa në këtë situatë është fatale”, thuhet në deklaratën e Partisë Demokratike.
Video e shperndare nga PD:
https://www.facebook.com/partiademokratike/videos/528378154724105/?t=3
