Astrit Patozi kavijuar takimet me demokratët, ku i bën thirrje Lulzim Bashës të ndërpresë garën për kreun e PD të cilën ai e quan farsë.
“I bëj thirrje Lulzim Bashës t’i japë fund farsës elektorale. Nuk jam shumë i sigurt nëse thirrja ime do dëgjohet. Ne themi se asnjë demokrat nuk është i tepërt, madje edhe Lulzim Basha”- tha Patozi.
Deputeti aktual i PD, Patozi kishte dhe një mesazh dhe për kandidatin tjetër për kreun e PD, Eduard Selamin, për të cilin tha se ka bërë gabim që ka hyrë në një garë pa rregulla.
“Selami thotë që ne duhet ta mbështesim. Ai ka bërë një gabim se ka hyrë në një garë pa rregulla. Thirrjen kryesore e kam me ju që kjo garë farsë të ndërpritet dhe të hapet gara e vërtetë. Nuk mund ta njohim 22 korrikun nëse kjo garë nuk ndërpritet. 22 korriku nuk mund të jetë triumf i arbitraritet” –tha Patozi.
