Drejtorja për Ballkanin Perëndimor në Komisionin Europian, Genoveva Ruiz Calavera shprehet se Bashkimi Europian pret që partitë në Shqipëri të fillojnë dialogun në mënyrë konstruktive.
Në një postim në Twitter, Calavera shkruan se është e rëndësishme që Shqipëria të përparojë me shpejtësi në zbatimin e rekomandimeve të ODIHR-it.
“Ndërkohë që BE pret që dialogu ndërpartiak të rifillojë në mënyrë konstruktive. Është shumë e rëndësishme për qeverinë që të përparojë me shpejtësi në zbatimin e rekomandimeve të ODIHR-it nën kompetencën e saj të drejtpërdrejtë. EUinAlbania”,- shkruan Calavera në Twitter.
