Ka përfunduar takimi i kryeministrit Edi Rama me ambasadorët e Bashkimit Evropian dhe SHBA-së në Tiranë.
Ky takim kishte në fokus qendrimin e qeverisë dhe ndërkombëtarëve pas vendimit të Presidentit Ilir Meta për të shtyrë datën e zgjedhjeve të 30 qershorit në një afat të pacaktuar.
Mësohet se pjesë në takim kanë qenë ambasadori i BE në Tiranë, Luigi Soreca, ambasadorja gjermane Sussane Schutz, ambasadorët e Britanisë, Francës dhe Italisë. Në takim ka qenë edhe kryediplomatja e SHBA në Tiranë, Leyla Moses Ones.
Takimi mes shefit të qeverisë dhe trupës diplomatike u zhvillua në godinën e kryeministrisë. Ende nuk ka detaje për atë se çfarë është diskutuar.
