Kanë kaluar vetëm tre javë që ka nisur dhe skuadrat ende nuk kanë konsoliduar formacionet e tyre, por të djelën në orën 19:00, kampionati shqiptar do të ketë derbin e parë të sezonit. Ndërkohë që flitet për vështirësitë e Partizanit për të gjetur golin, Tiranën e paplotësuar ende me formacionin që ka konceptuar trajneri Daja, tifozët duhet të fillojnë të përgatiten për dekorin që do të shoqërojë ndeshjen e madhe, e cila për herë të parë në historinë e saj është transferuar për t’u zhvilluar në Elbasan.Trajneri Sormani ka pak zgjedhje për vijën defensive, pasi Malota dhe Ibrahimi nuk do të jenë të gatshëm, ndërkohë që në dyshim është edhe Ramadani. Ndërkohë duket se po përfundon “persekutimi” i Mazrekajt, i cili ka gjasa t’i bashkohet ekipit të parë. Ndërsa për Iliri Dajën, skuadra e të cilit nuk ka mundur të fitojë asnjë prej 9 ndeshjet e fundit derbi, nuk janë çështje vetëm afrikanët, të cilët kishin problem dokumentacioni, por edhe kthimi i Gilman Likës, Muzakës dhe i Vucajt në formën e tij më të mirë. Gjithsesi mbetet derbi dhe nëse do të ketë të gjithë vëmendjen e tifozëve, pavarësisht distancës së stadiumit nga kryeqyteti, atëherë spektakli do të jetë i garantuar.
