Adolfo Sormani nuk është më trajner i Partizanit dhe tani është zyrtare.
Sormani nuk ishte në stol në derbin me Tiranën dhe kjo nuk është pritur mirë në ambientin e kuq. Italiani dhe stafi i tij thuhej se i druheshin koronavirusit, pasi pesë futbollistë kishin dalë pozitivë.
Klubi i kuq njofton si më poshtë: “FK Partizani njofton sot ndërprerjen me efekt të menjehershëm të bashkëpunimit me trainerin Adolfo Sormani dhe dy pjestarët e stafit Giovanni Mazzella dhe Gabriele Faccia. Klubi 16-të herë kampion i Shqipërisë në tre ndeshjet e mbetura të këtij sezoni, do të drejtohet nga zv.traineri ekipit Renaldo Kalari”.
