Trajneri Bexhi i Teutës kishte deklaruar përpara ndeshjes së “Niko Dovanës”, se Sormanin e kishte mundur në Itali dhe një gjë të tillë do ta bënte edhe në këtë anë të bregur të detit. Por ka qenë Partizani që ka fituar bindshëm, i ndihmuar pak edhe nga portjeri Moçka i durrsakëve, i cili nuk ishte në ditën e tij. Për të zhbllokuar nënkampionët e vendit menduan dy futbollistët afrikanë, fillimisht mbrojtësi nigerian Atanda dhe më pas ganezi me pasaportë italiane, Caleb Ekuban. Atanda duket se e ka rifituar vendin e titullarit, pasi fillimisht nuk ka qenë nga të preferuarit e trajnerit Sormani, ndërsa për sulmuesin Ekuban ky është goli i parë që kur ka mbërritur në Tiranë. Skuadra e kuqe ka kaluar një javë jo të qetë, pas protestave të tifozëve ndaj një pjese të stafit, por sidoqoftë po e ruan disi ritmin me Skënderbeun, ndërkohë që javën e ardhshme në “Elbasan Arena” do të luhet derbi Partizani – Tirana.
Vllaznia e Cungut nuk u mundua shumë për ta zbritur sërish Flamurtarin nga qielli i shtatë, duke e mundur 2-0 në “Loro Boriçi”, me gola të Tafilit dhe të riut Hebaj. Vlonjatët vinin pas një fitore të thellë në shtëpi ndaj Luftëtarit, 5-0 dhe në ambjentet e futbollit të qytetit nxituan ta konsideronin skaudrën e Maganit si një nga kandidatet për të fituar titullin. Por në të kundërt, në Shkodër ishte në fushë një ekip fare pa dëshirë, gjë që e nervozoi shumë trajnerin e tyre. Ndërsa për Vllazninë një gjë është e sigurtë, pas vështirësive të panumërta të sezonit të kaluar ekipi ka ndryshuar ndjeshëm, falë edhe trajnerit Armando Cungu. Vllaznia ka qenë impulsive në fazën sulmuese, ndërkohë që në tre javët e para të kampionatit ende nuk ka pësuar asnjë gol.
Rezultatet/ Java III
Skënderbeu – Laçi 1-0
Luftëtari – Korabi 1-0
Tirana – Kukësi 2-2
Vllaznia – Flamurtari 2-0
Teuta – Partizani 2-0
