Partizani kthen në fanelë yllin me pesë cepa, brenda të cilët është e stampuar gërma “P”. Pikërisht kjo ka qenë edhe logo e skuadrës së kuqe që nga dita e themelimit dhe në fakt polemikat nuk kanë munguar, kryesisht nga rivalët e Tiranës, nëpërmjet shefit të klubit, Saimir Shehri. Në fillim ka reagur një nga simbolet e Partizanit, ish-portjeri Mikel Janku, sipas të cilit ylli është kthyer në uniformë për hir të festimeve të 70 vjetorit dhe nuk bëhet më fjalë për ata të malit, por për këta të fushës së futbollit.
Ndërkohë që për të qetësuar “anti-komunistët” ka menduar sot edhe drejtori i klubit Dritan Dervishi. “Më vjen keq që na përflasin, sidomos tani që jemi në një periudhë feste dhe vazhdojnë ta ngatërojnë sportin me politikën. Por ndjej keqardhje edhe për investimet e presidentit të Tiranës, i cili përfaqësohet nga një njeri i dënuar për dy vjet nga Komisioni i Disiplinës në FSHF, duke iu referuar kështu shef Shehrit. Uniformat me logon e vjetër u prezantuan nga Lorenc Trashi dhe Felipe dhe sipas drejtuesve të klubit ka shumë mundësi të jenë provizore, vetëm për ndeshjet e mbetura të kampionatit, ndërsa për sezonin e ardhshëm do të vendosë ekskluzivisht presidenti Demi.
