Partizani ka mundur të fitojë me rezultatin e ngushtë 2 me 1 ndaj Tiranës në ndeshjen e shumëpërfolur të Superligës. Të kuqtë kaluan në epërsi qysh në minutën e ‘12 të pjesës së parë me Renato Malotën. Më pas Tirana barazon me Olsi Teqen pas një gabimi të rëndë të mbrojtjes së kuqe.
Por, barazpesha nuk zgjat shumë dhe në minutën e ’70 Ekuban ngre peshë tifozët e Partizanit, pasi shënon falë një aksioni të Torasës, i cili e nxjerr vetëm për vetëm me Likën sulmuesin e skuadrës së tij.
Duhet thënë që Partizani dominoi dhe humbi mjaft raste të pastra shënimi.
Kampionati rihapet, sepse Kukësi ka barazuar me Laçin. Gjithsesi Kuksianët kryesojnë me 46 pikë, më pas vjen Skënderbeu me 44 pikë dhe i treti Partizani me 42 pikë.
Javën e ardhshme luhet superndeshja Kukësi – Partizani që përcakton dhe fatet e Superligës.
