Lushnja dhe Partizani e mbyllën në barazim, ndeshjen e javës së 31-të në Kategorinë Superiore, në shifrat 1-1. Pas 12 humbjesh radhazi, lushnjarët morën një pikë, pikërisht ndaj Partizanit. Pjesa e parë ishte e baraspeshuar, me pak raste për të dyja skuadrat, dhe me portierët që u shfaqën në nivelin e duhur.
Në të dytën, Partizani pretendoi për një penallti me Asanin në minutën e 64-t, që nuk u akordua, dhe vetëm 5 minuta më vonë, gjyqtari akordoi një 11-metërsh për Lushnjën, që u shndërrua në gol nga Pepa.
Partizani provoi më pas të reagonte, me Gojkoviç dhe Abdurrahimin, por golin e barazimit e gjeti vetëm në minutën e 89-të, me Bathën. Deri në fund nuk kishte më raste të tjera, dhe ët dyja ekipet ndanë nga një pikë, me Partizanin që vështirëson gjithçka vetes për Europën.
