Përmes një postimi në facebook, sekretari i Përgjithshëm i Partisë së Lirisë, Tedi Blushi, ka shprehur mbështetjen e PL-së për protestën që pritet të mbahet më 4 gusht për vrasjen e 7-vjeçares në Himarë nga oficeri i policisë, Arjan Tase. Blushi thekson se Partia e Lirisë i bashkohet indinjatës që ka prekur mbarë opinionin publik nga tragjedia e 7-vjeçares në plazhin e Potamit. Ai shton gjithashtu se është koha për t’i treguar regjimit kriminal që populli shqiptar është Zot i fateve të veta.
“Partia e Lirisë mbështet fuqimisht çdo formë proteste qytetare dhe bashkohet me indinjatën e madhe të gjithë opinionit publik të tronditur nga tragjedia që preku sot familjen Avdia, që humbi vogëlushen 7-vjeçare. Është koha për t’i treguar këtij regjim kriminal, që varfëron, grabit, dhunon dhe vret fëmijë, se populli shqiptar është Zot i fateve të veta!” – shkruan Blushi në facebook.
