Kryebashkiaku i Tiranës: Kjo është përgjigja për skeptikët
Kryetari i Bashkisë së Tiranës, Erion Veliaj, i shoqëruar nga zëvendësambasadori japonez, Hiroshi Yamauchi, ishin sot tek Parku i Liqenit ku mbollën 200 pemë të llojit qershi japoneze.
“Jemi këtu për t’i dhënë jetë një projekti tjetër në Parkun e Liqenit. Po mbjellim sot 200 pemë qershie. Një nga atraksionet më të bukura në parkun qendror të Uashingtonit, i cili quhet ‘Ëashington Mall’, janë qershitë japoneze”, ka deklaruar Veliaj.
Duke iu referuar projektit, për rijetëzimin e Parkut të Liqenit, me mbjelljen e këtyre qershive në zonën e përftuar nga prishja e ndërtimeve pa leje në krah të Korpusit, Veliaj tha se kjo do të krijojë një hyrje shumë elegante në Parkun e Liqenit. Ky projekt, theksoi kryebashkiaku, është përgjigja më e mirë ndaj të gjithëve atyre që mund të kenë dyshime ose janë skeptikë për punën e Bashkisë. Ndërkohë ai nuk ka lënë pa përmendur edhe projektin e këndit të lojrave pot e Parku i Liqenit, për të cilin ka thënë “Mbetem shumë i vendosur që çdo projekt i Tiranës të vazhdojë në drejtimin e duhur, qoftë projekti për këndin e lojërave, qoftë projekti për rrugët dhe infrastrukturën, që do ta bëjë Tiranën më të qarkullueshme, do të lehtësojë trafikun, qoftë projekti i pyllëzimit që po vazhdojmë, jo vetëm këtu në Parkun e Liqenit, por edhe në parqe të tjera”.
